Eise Multi 1 Sall
De Sall ,,Multi1“ ass esou ageriicht, datt all Kand seng Molzichten an engem gemittleche Kader kann anhuelen. Jidderee kann sech setzen, wou e wëll: d’Reim si konzipéiert, fir d’Entwécklung vu frëndschaftlechen a soziale Bezéiungen ze fërderen. Den direkten Zougang zur Kitchenette erlaabt kulinareschen Aktivitéiten.
Et ass och hei, wou d’Kanner hier Hausaufgabe, an op d’Hëllef vun den Educateuren zrékgräife kënnen. Eng roueg Atmosphäre fërdert d’Konzentratioun beim Léieren.
Eise Multi 2 Sall
Well d’onbekëmmert Spille wesentlech ass fir d’Entwécklung vum Kand, hu mir hei eng speziell Spillfläch mat Méiglechkeete fir Rollespiller. Duerch esou Erfarungen entwéckelt d’Kand seng Bezéiungen, seng Virstellungskraaft, seng Kreativitéit a léiert, seng Emotiounen ze liewen. An engem Entspanungsraum kënnen sech d’Kanner zréckzéien, hier Loscht um Liesen entwéckelen oder och roueg matenee poteren an esou hier Frëndschafte festegen.
Eisen Atelier
Dëse Raum erlaabt de Kanner, hiert eegent kreatiivt Universum ze schafen an hier kënschtleresch Oder z’entdecken. Molen, Bastelen, Zeechnen,…: D’Kanner kënnen hei ganz no Loscht a Laun hier Iddie realiséieren. Si ginn hei och op spilleresch Aart a Weis fir wëssenschaftlech a mathematesch Phenomener sensibiliséiert, wat hier kognitiv Kompetenze positiv beaflosst.
Eise Sall
Eise Motoriksall
Ee Kand brauch Beweegung fir sech z’entwéckelen. Mir hunn ee speziell ageriichte Sall, wou d’kierperlech Aktivitéit vun de Kanner gefërdert gëtt. Schaukel, motoresche Parcours, Klotermauer, … alles steet de Kanner zur Verfügung, fir datt se sech fräi beweegen an Erfarunge maache kënnen. Esou fërdere mir di allgemeng Entwécklung (Beweeglechkeet, Sozialiséierung, Autonomie,…). Et ass och an dësem Sall, wou mir Aktivitéite fir z’entspane gestalten.
Eise Sall
Eis Buedzëmmer
Eist Buedzëmmer ass esou ageriicht, datt mir all Kand a senger autonomer Entwécklung begleede kënnen. D’Ariichtung passt sech dem Bedierfnis vum Kand un.